Menu

Retour

Adam et Eve

Le Luth

Héliette De Vivonne

( 1558 - 1625 )

Pour le doux ebast que je puisse choisir,

Souvent, après disner, craignant qu'il ne m'ennuye,

Je prends le manche en main, je le taste et manie,

Tant qu'il soit en estat de me donner plaisir.

Sur mon lict je me jette, et, sans m'en dessaisir,

Je l'estrains de mes bras et sur moy je l'apuye,

Et, remuant bien fort, d'aise toute ravie,

Entre mille douceurs j'accomplis mon désir.

S'il avient, par malheur quelquefois qu'il se lasche,

De la main je le dresse, et, derechef, je tasche

Au jouir du plaisir d'un si doux maniment :

Ainsi, mon bien aymé, tant que le nerf luy tire,

Me contemple et me plaist, puis de luy, doucement,

Lasse et non assouvie en fin je me retire.